Google PlusFacebookTwitter

အချိန်

By on Sep 2, 2017 in Poem | 0 comments

နှစ်ကာလများစွာ ကြာခဲ့ပြီဟုထင်မိသည်.. တကယ်တမ်းတော့ ၃လသာ.. အခုလို ၃ လဟု ရေရွတ်နေရင်းကပင် အဖြစ်အပျက်တို့သည် မနေ့တနေ့ဖြစ်ပျက်ခဲ့သည့်အလား အရာရာဟာ ထင်ထင်ရှားရှားနဲ့ တိကျပြတ်သားစွာ ထင်ဟပ်လို့နေပြန်သည်.. . ဒြပ်ဆွဲအားများခြင်း.. လျင်မြန်ခြင်းတို့ပေါ်တွင် အချိန်သည်တည်၍ နှေးခြင်း မြန်ခြင်းတို့ ဖြစ်ပေါ်၏ .. ထိုကြောင့် အချိန်ကာလသည် ပကတိမဟုတ်.. “နှိုင်းရ” ဟူသော ဝေါဟာရကိုသာ ပိုင်ဆိုင်၏.. . အချိန်သည် မြန်ချင်လျှင်မြန်ပြီး နှေးချင်လျှင်နှေးသည်.. ကျမ်းချက်များ.. အိုင်းစတိုင်းနှင့် ဤညသည် ထပ်တူကြပါ၏.. . 02.09.2017...

သို့သော်

By on Feb 27, 2017 in Poem | 0 comments

ဒါဟာ.. ပျော့ညံ့လို့ ပြောတဲ့စကားမဟုတ်ဘူးဆိုတာ.. အကြွင်းမဲ့ ယုံကြည်ပါတယ်အမေ.. သို့သော် ငိုစား ရီစား.. ခွေးစကားပြောတဲ့သူတွေရဲ့ တန်ခိုးအာဏာ.. ထပ်ပြီးကြီးထွားဖို့ရာ ခွင့်မပြုပါနဲ့တော့.. ပညာရှင်သူကောင်းတွေရဲ့သွေး မြေခ,တာ ဝေးပါရစေ.. . မတူကွဲပြားမှုအရေး.. အမေတွေးကောင်းတွေးနေလိမ့်မယ်.. သို့သော်.. အမှောင်မှာ သွေးဆာဆာနဲ့ ရန်ရှာလာမယ့် လူ့တိရိစ္ဆာန်တွေရဲ့ဘေးလည်း အမေဝေးအောင်နေပါနော်.. အမေ့ရဲ့ အသက်ဟာ .. ကျနော်တို့ အသက်.. မျိုးဆက်တွေရဲ့ အနာဂတ်ပါ အမေ.. ....

ကြယ်စင် နတ်သမီး

By on Feb 13, 2017 in Poem | 0 comments

တမ်းတမျှော်ရည် ကြင်သူဆီသို့ ပို့ချီပေးပါ .. လမင်းပြာရယ်.. ရင်မှာ .. လွမ်းတယ်။ . သူက.. တိမ်စိုင် ငွေ့ငွေ့ ကြယ်တစ်ပွေ့မှာ တိုးဝှေ့မှေးစက် ချစ်တဲ့ သက်ထား အိပ်မက်လေးတွေ ချိုမြစေသား.. လှစေသား.. . 10.02.2017 (Fri)

ဘဝသမား

By on Jan 20, 2017 in Poem | 0 comments

ဆေးစက်ကျရာ ဘဝမှာရေး လေဟာ .. နုအေးမနေခဲ့ဘူး...

နှင်း

By on Dec 16, 2016 in Poem | 0 comments

နှင်းဆိုတာ နေနဲ့တွေ့ရင် ငါ မေ့ပြစ်ရမယ်မှန်း.. ခြေမလှမ်းခင်ကတည်းက.. တွေးဆမိပါရဲ့ ဒါပေမယ့် .. ။ . အဲဒီလို လတ်လတ်ဆတ်ဆတ်ထုတ်ပိုးထားတဲ့ ပုပ်သိုးခြင်းအချို့.. မနေ့ကတည်းက ငါ့ရင်မှာဆို့လို့နေတယ် . အိုကွယ်.. နှင်းရယ်.. ကျေးငှက်သီကြူးသံလေးတွေက မင်းကိုလွမ်းပေါ့.. မင်းကတော့ မင်းရဲ့ သေတမ်းကို မင်းပြန်ထမ်းရင်း နံနက်တွေကို ခင်းချ.. အိပ်မက်အတိုအစတွေရဲ့ကြားမှာ အားလုံးဟာ ကစဉ့်ကလျားနဲ့.. . ဘယ်လောက်ပဲ ကျယ်ပြန့်ကျယ်ပြန့်.. အတ္တဟာ.. ဘယ်သောအခါမှ သန့်လာမှာ မဟုတ်ဘူးလေ . ဒီလိုပဲနေနေကြတော့မယ်ဆိုရင် ဒို့တတွေရဲ့ ရှင်သန်ချိန်ဟာ.. တစ်ရာလား.. တစ်ထောင်လား.. စတီပင်ဟော့ကင်းပြောသလိုပါပဲ.. . သေချာတာက သဘာဝနဲ့ ဒို့တတွေ စစ်ဖြစ်ရတော့မယ် သက္ကရာဇ်အလီလီ.. စစ်ချီရတော့မယ်.. . နှင်း.. သူ့သတင်းစကားကို တို့တတွေ မှားကြအောင်လား စတင်ခြင်းရဲ့အပြင်အပါးမှာ သမ္မာတရားရှိတာပဲလေ.....

အနီးကပ်ဝေးကွာခြင်း

By on Aug 15, 2016 in Poem | 0 comments

(-၁) အိပ်မက်ဦးမဟုတ်ပေမယ့် ကျနော် ရူးမတတ်ပစ်ခဲ့ရတယ် ဝေးခြင်းနီးခြင်းဆိုတာ စိတ်ဝိဉာဉ်မှာ ရှိမှမရှိတာကိုး (၁) တိတ်တိတ်လေး ဖွင့်ဖောက်ထားတဲ့ အချိန်နေရာ အတွန့်အခေါက်တွေရဲ့အခြားဖက် အဝေးဆုံးတွေက နီးပစ်ရက်ခဲ့ကြတယ်။ (ဝ) ဒီအချိန်မှာ အလင်းဟာ ဟန်ပါပါ၊ မာန်ပါပါနဲ့ ကဗျာကယာ တိတ်ဆိတ်နေခဲ့ပေါ့

မူလပြန်

By on Apr 15, 2016 in Poem | 0 comments

 မျှော်လင့်ချက်နဲ့ အသက်ဆက်ရမယ်တဲ့လား။ တကယ်တော့ မျှော်လင့်ခြင်းဆိုတာ စုန်ရေတွေလိုပါပဲ . . မျောရင်မျောသလောက် မူလနေရာပြန်ရောက်ဖို့ရာ . . ဆန်ပြီး ပြန်လှော်ရတာ အရမ်း ပင်ပန်းတယ်။ ဒီလိုနဲ့ပါပဲ ငါဟာ မျှော်လင့်ချက်ရဲ့ အခြားတဖက် ဘယ်သူမှမသိလိုက်တဲ့ . . ညနက်နက်တွေကို ဖြတ်သန်း သွေးရူးသွေးတန်းနဲ့ အိပ်မက်ဆိုးကိုနမ်းရှိုက် ငါ့ကိုငါ တိုက်ခိုက်ရဦးမယ်။ ငါ့ဆီကိုငါ ဘယ်အချိန်ပြန်ရောက်မှာလဲ ရေအဆန်မှာ မိုးကသည်းတယ်။...